es | fr | en


Urt 19 2016

GK2015 SOLFEOZKO PARTITURETAN

Elkarteak argitaratzen dituen diskoetako kantuak jotzeko edo eskura errazago izateko, Geure Kolkotik 2015 osorik solfeozko partituretan argitaratzea erabaki du EHTEk.

http://trikimailua.com atarian Doinutegia atalean sartuz gero, iturburuak klikatu goian eskuinaldean eta Geure Kolkotik 2015 aukeratuta diskoa osatzen duten 12 kantuen zerrenda agertuko zaizu. Web orrian ere, eskuineko Partiturak leihoa klikatuta http://trikimailua.com/doinutegia.htm atalera bideratuko zaitu zuzenean.

Aurrera begira Elkarteak sortutako egitasmoen partitura gehiago jarriko dira eskura bai zenbakiz bai solfeoz ere.

Gustoko partitura bilatu, nahi izanez gero inprimatu, ikasi eta gozatu!

Urt 11 2016

ZENBAKIZKO PARTITURAK ESKURA

Hainbestek eskatu ondoren, baditugu lehenengo zenbakizko partiturak!

Ahoa gozatze aldera, lehenengo sei partitura argitaratu ditugu, pdf formatuan edozein erabiltzailek jaitsi eta erabili ditzan. EHTEk azken urteetan argitaratu dituen Geure Kolkotik diskoetatik sei kanturen aukeraketa egin da lehen argitaratze honetan. Tirikitrauki musika dendak dohainik eskeintzen duen Zenbakiz aplikazioa erabili da horretarako eta Andoitz Antzizarrek jarri dizkigu eskura.

Datorren urte honetan proiektu bereko partitura gehiago jarriko ditugu zintzilik.  Geure Kolkotik guztiak partituretan jartzea da asmoa. Kantu berriak argitaratzen ditugun neurrian jakinaraziko dugu web orri honetan eta EHTEren facebook-eko orrialdean.

Partitura hoiek eskuratu nahi badituzu, hemen bertan, eskuinaldean dagoen Zenbakizko partiturak klikatuta aurkituko dituzu. Kantua deskargatu, nahi izanez gero inprimatu, eta hasi jotzen!

Urt 4 2016

NAFARROAKO II. TRIKITI JAIALDIA

2016ko urtarrilaren 16ean ospatuko da Lesakan, Harriondoa aretoan 17:30etan, Lesakako Trikitixa Elkartea Taldeak eta Nafarroako Trikitixa Elkarteak antolaturik.

PARTE HARTZAILEAK:
- Iñaki Mendinueta eta Irune Agirre
- Kristina eta Amaia
- Epelde eta Lutxurdio
- Agus Barandiaran (Korrontzi) eta Xabier Berasaluze (Leturia)
- Edurne Iturbe eta Oihana Irastorza
- Jon Ostolaza eta Arnó
- Gari eta Iñaki

Sarrerak eskuragarri izango dituzue Zialdo eta Oninart-en, edo erreserba bidez helbide honetan: nafarroakotrikitixaelkartea@gmail.com (Prezioa 12€)

Jaialdia bukatu ostean afaria izango da Irubide jatetxean 20€tan.

Abe 3 2015

BADATOR DURANGOKO AZOKA

Aurten ere Euskal Herriko Trikitixa Elkartea Durangoko azokan izango da. Bertan erakusgai eta salgai izango ditugu Elkarteak urteetan argitaratu dituen Faborez eta Geure Kolkotik diskoak, biografia liburu-diskoak eta partitura liburuak. Eta nola ez, salgai izango ditugu aurten argitaratutako “Arizterrazu, mandioko (azken) erromeria” eta Geure Kolkotik 2015.

Zai izango gaituzue!

Aza 12 2015

GEURE KOLKOTIK 2015 KALEAN DA

“Geure Kolkotik” pieza berrien bildumako seigarren alea kaleratu berri dugu Euskal Herriko Trikitixa Elkartean. Disko berri honetarako honako trikitilariak gonbidatu ditugu:

Iñaki Garmendia Laja

Martin Aginalde

Joseba Tapia

Xabier Alberdi Zabale

Soinu txikiaz eta perkusio ezberdinez osaturiko hiru pieza berri sortu ditu trikitilari bakoitzak. Gisa guztietako doinuak entzun litezke diskoa osatzen duten hamabi piezetan: Kalejira, fandangoa, reel, trikitixa…

* Diskoa, ohiko saltokietan edo webgune honetako DENDA atalean eros dezakezu.

Aza 10 2015

NAZIOARTEKO TRIKITIXA JAIALDIA 2015

2015ko azaroaren 28an ospatuko da Getxon, Areetako Andres Isasi Musika Eskolan, 19:00etan, Bizkaiko Trikitixa Elkarteak antolaturik.

PARTAIDEAK:
- La tupina (Katalunia)
- La Estatalá (Galizia)
- Zango (Euskal Herria)
- Zabaleta eta Motriku (Euskal Herria)

Jaialdia bukatu ostean, urteroko Trikisession-a ospatuko da Algortako AZEBARRI Kultur Elkartean. Bertan, OXABIREN LAGUNAK taldea izango dugu eta ondoren, jaialdian parte hartuko duten musikariek aukera izango dute, era informalago batean, elkarrekin jotzeko, inprobisatzeko, … Bertaratzen diren musikari eta zaleek ere eurekin batera jo, kantatu eta dantzatu ahal izango dute.

Sarrerak Nazioarteko Trikitixa Jaialdia hasi baino lehenago Andres Isasiko leihatilan erosi ahal izango dira. Aldez aurretik, BBK eta Algortako Kultur Etxearen bitartez ere eskuratu ahal izango dira; azaroaren 2tik aurrera(prezioa 8,00 euro). Trikisession-erako sarrera librea da.

Urr 15 2015

LIBURUAREN AURKEZPENA ETA ERROMERIA BEREZIA ARIZTERRAZUN

Urriaren 25ean Aiako San Pedro auzoko Arizterrazun, Andatza Erromeri Elkarteak antolatu duen jaialdira gonbidatu nahi zaitugu.

Hona hemen egitaraua:

13:00etan: Euskal Herriko Trikitixa Elkarteak “Arizterrazu, mandioko (azken) erromeria” liburu-diskoaren aurkezpena egingo du.

14:00etan: Bazkaria frontoian (25€)

Menua:

- Itsaski-paella

- Entrekota letxuarekin

- Sagar tarta

- Edariak, kafea eta kopa

Bazkarirako izena emateko azken eguna urriaren 22a da. Horretarako deitu 943 83 45 21 (Arizterrazu jatetxea) edo 943 83 28 28 (EHTE) zenbakietara edo idatzi trikitixa@trikitixa.net helbidera.

17:30ean: Erromeria berezia. Partaideak:

- Epelde eta Lutxurdio

- Etxaniz, Galdos eta Ainara

- Kristina eta Xabi Solano eta Jon Mari Beasain

- Agurtzane eta Ion Elustondo

- Maixa, Irati Gutierrez eta Izer

Bertan elkar ikusiko dugulakoan.

Urr 13 2015

“ARIZTERRAZU, MANDIOKO (AZKEN) ERROMERIA”

Euskal Herriko Trikitixa Elkarteak Soinuaren Liburutegiko 11. alea kaleratuko du laster. Aurten, Joxe Mari Iriondok idatzirik, “Arizterrazu, mandioko (azken) erromeria” izenburupean erromeria honi  buruzko lekukotasuna jaso nahi izan da. Liburu-diskoan gainera Trikitixa Elkartean jasota dauden grabazio zahar zenbait ere erantsi ditugu, audio kalitateari baino piezen edertasunari erreparatuz.

Honen harira urriaren 25ean liburuaren aurkezpenarekin batera Arizterrazun bertan Andatza Erromeri Elkarteak antolatu duen jaialdira gonbidatu nahi zaituztegu. Ordua eta egitaraua aurrerago zehaztuko ditugu.

Adi egon beraz!

Urr 5 2015

OÑATIKO VII. TRIKITI JAIALDIA

Noiz: Urriaren 17an larunbata, 17:30etan

Non: Oñatiko Santa Ana Antzokian

PARTE HARTZAILEAK:

- Ane, Amaia eta Irati

- Epelde eta Lutxurdio

- Korrontzi

- Arakama, Dorronsoro eta Larreburu

- Mirari Azkune eta Zaloa Zenarruzabeitia

- Intxausti anai-arrebak eta Harkaitz Allur

- Astiazaran II, Izer eta Mikel Markez

SARRERAK: Enkargu bidez lizargarateelkartea@gmail.com helbidean, edo Arrano eta Izarraitzen 12 €tan

Ira 3 2015

INPERNUKO POZA TRIKITIXAREN XIII. JARDUNALDIAK

TRIKITIXA JOTZEKO TONALITATE EZBERDINAK LEHEN ETA ORAIN

Garai bateko jotzeko moduari erreparatzen badiogu eta gaur egungoarekin alderatu, hainbat ezberdintasun daudela konturatuko gara. Horietako bat tonalitatea da, eta horrek sortzen dizkigun kezkak asetze aldera, gai honi erantzuna ematen saiatuko diren itzal haundiko trikitilariak gonbidatu ditugu aurtengo jardunaldietara.

————————

EGUNA: Irailak 10, osteguna (19:30etan)

LEKUA: Donostiako Udal Liburutegiko Sotoan

HITZALDIA: Iker Goenaga

Instrumentuek berez, ez dute ezer jotzen…

Instrumentuaren kalitateak, jotzeko modua baldintzatzen du?

Soinu txikiarekin, gaur egun, zenbat tonalitate erabiltzen ditugu?

Zergatik? Zenbat erabil genitzake?

Lehengo trikitilariek, soinu txikia hobeto ezagutzen ote zuten?

————————

EGUNA: Irailak 11, ostirala (19:30etan)

LEKUA: Donostiako Udal Liburutegiko Sotoan

MAHAI INGURUA: Iñaki Garmendia “Laja” eta Joseba Tapia. Moderatzailea: Iosu Arrizabalaga “Izer”.

Garai bateko trikitixa jotzeko moduaren adierazle gonbidatu dugu Laja. Elgeta eta Sakabiren ikasle izan zen trikitilari honek haiengandik jasotako jotzeko moduak esplikatuko dizkigu. Aldaketa etorri zenean berriz, zuzen-zuzeneko protagonistetako bat izan zen Joseba Tapia, aurrekoena jasotzeaz gain tonalitate berriak jorratuz bere ibilbide propioa egin duen trikitilaria.